Torbee Tokkotti Karaa Booletiin Doolaarri Ba’uuf Ture Kumni 46 Qabameera
Torbee Tokkotti Karaa Booletiin Doolaarri Ba’uuf Ture Kumni 46 Qabameera
Torbee 1 qofatti Buufata Xiyyaaraa Idil Addunyaa Booletti Doolaarri Ameerikaa kumni 46, Yuuron kumni 3, Diraamni Emmireetota Arabaa Gamtooman 3,500 fi Birriin kumni 54 qabameera.
- Advertisement -
Maallaqichi Hagayya 19 amma 25,2010tti qabame.
Abbaan Taayitaa Galiiwwanii fi Guumruuka Ityoophiyaa Faanaa Broodkaastiing Koorporeetitti akka himetti, Finfinneedhan ala; buufataalee to’annaa Matammaa fi Sarbaatti Doolaarri kumni 4 fi Yuuron kumni 6tti siqu to’atameera.
Buufaataalee kanneenitti meeshaaleen koontiroobaandii Birrii kuma dhibba 1 fi kuma 15 baasanis to’atamaniiru.
Buufaataalee Hawaasaa fi Mooyyaalee dabalatee, Koonsoo, Abboostoo fi Diillaatti meeshaaleen koontiroobaandii Birrii miiliyoona 1.3 qabamaniiru.
Miilleerratti Hagayya 19 amma 29tti to’annaa taasifameen; Awaash, Arbarakkattee, Adaayituiu fi Elbaashiritti shiishaa, dawaa, tamboo,meeshaaleen jijjiirraa konkolaataa Birrii miiliyoona 5.9tti tilmaamamu qabamaniiru.
Jigjigaatti meeshaaleen koontiroobaandii Birrii kuma dhibba 4 fi kuma 66 baasan to’atamaniiru.
Comments are closed.