መስፍን ኢንዳስትሪያል ኢንጂነሪንግ ሓላፍለኑ ዝተወሰነ ውልቀ ኩባንያ ን150 ኣረጋዉያንን ንተመዛበልትን ከምኡ’ዉን ኣብ ዝተፈላለዩ ማሕበራዊ ፀገማት ንዝርከቡ ዜጋታት ሓገዝ ገንዘብን ናዉትን አበርኪቱ።

ብመሰረት እዚ ሎሚ መዓንቲ ን150 ጠዋሪ ዘይብሎም ኣረጋዉያን ንነብሲወከፍ 1 ሽሕ ቅርሺ ድጋፍ ገይሩ ኣሎ።

ካብ ዝተፈላለዩ ኸባብታት ንዝተመዛበሉ ወገናት ድማ ብሓፈሻ 150 ሽሕ ብር ዝሃበ እንትኸውን፥ እቲ ገንዘብ ነቶም ተፈናቐልቲ ብኢድ መንግስቲ ንክወሃብ ዓሊሙ ንምኽትል ሓላፊት ቢሮ ሰራሕተኛን ማሕበራዊ ጉዳይን ወይዘሮ ንግስቲ ወልደሩፋኤል ኣረኪቡ እዩ።

ስለዝኾነ “ኣብ ኸባቢና ንዘለዉ ዝተፀገሙ ክፋላት ሕብረተሰብ በቢዓቕምና እንገብሮ ሓገዝ ኣብ ምቅላል ፀገም ሕብረተሰብ ዓብይ ግደ ኣለዎ” ዝበላ ወይዘሮ ንግስቲ፥ እቲ ኩባንያ ብፍላይ ንህፃናት ዝገብሮ ሓገዝ ኣበርቲዑ ክቕፅለሉ ይግባእ ኢለን።

FBC