ኣምባሳደር ሳህለ ወርቅ ዘውደ ፕሬዚዳንት ፌዴሪኢ ብምዃን ተሸይመን

ባይቶ ወከልቲ ህዝብን ቤት ምኽሪ ፌዴሬሽን ፌዴሪኢን መበል ካልኣይ ፍሉይ ኣኼብኦም ሎሚ መዓልቲ ኣሳሊጦም።
ክልቲኦም ኣብያተ ምኽሪ ኣብ ዘካይድዎ ፍሉይ ኣኼባ ፕሬዚዳንት ሙላቱ ተሾመ ዘቕረብዎ መልቀቒ ደብዳበ ቅቡል ተገይሩ።
ፕሬዚዳንት ሙላቱ ተሾመ ኣብ 2006 ዓ.ም ካብ ፕሬዚዳንት ፌዴሪኢ ነበር ግርማ ወልደጅወርግስ ስልጣን ዝተረከቡ እንትኾኑ፥ መበል ሳልሳይ ፕሬዚዳንት ኢትዮጵያ ብምዃን ከምዝተሾሙ ይዝከር።
እቶም ፕሬዚዳንት ሎሚ መዓልቲ ኣብ ፓርላማ ብምቕራብ ሓዳሽ ፕሬዚዳንት ፌዴሪኢ ብምዃን ንዝተሾማ ኣምባሳደር ሳህለ ወረቅ ዘውደ ስሩዕ ርኽክብ ስልጣን ኣካይዶም ኣለዉ።
ኣምባሳደር ሳህለወርቅ ሎሚ መዓለቲ ክሳብ ዝተገበረ ዕለተ ሹመት፥ ኣብ ወድብ ሕቡራት መንግስታት ፍልይቲ መልእኽተኛ ሕብረት ኣፍሪካ ብምዃን እናሰርሓ ዝነበራ እየን።
ኣምባሳደር ሳህለወርቅ ፈላመይቲ ጓል ኣነስተይቲ ፕሬዚዳንት ኢትዮጵያ ብምዃን ሎሚ መዓልቲ ተሸይመን።