ማእኸላይ ኮሚቴ ህዝባዊ ወያነ ሓርነት ትግራይ(ህወሓት) ቁፅሪ ፈፃሚት ስራሕ ናብ 9 ንክምለስ ወሲኑ።
እቲ ማእኸላይ ኮሚቴ ኣብ መዛዘሚ መበል 13 ስሩዕ ጉባኤኡ፥ ቁፅሪ ፈፃሚት ስራሕ ካብ 9 ናብ 11 ብምዕባይ ንህዝቢ ዕላዊ ምግባሩ ዝፍለጥ እዩ።
ይኹን እምበር ቁፅሪ ፈፃሚት ስራሕ ምውሳኽ ኮነ ምቕናስ ናይ ጉባኤ ስልጣን ብምኻኑን ኣብቲ እዋን ድማ ጉባኤ ህወሓት ኣብ ቁፅሪ ፈፃሚት ስራሕ ዘሕለፎ ውሳነ ብዘይምንባሩን እቲ ቁፅሪ ናብ ዝነበሮ ንክምለስ ወሲኑ ኣሎ።
ብመሰረት እዚ ማእኸላይ ኮሚቴ ህወሓት ትማሊ 08 ጥቅምቲ 2011 ዓ.ም ኣብዘካየዶ ስሩዕ ኣኼብኡ፥ ቁፅሪ ፈፃሚት ስራሕ በቲ ዝነበሮ 9 ኮይኑ ንክቕፅል ወሲኑ።
ህወሓት ኣብ መፋርቕ ወርሒ መስከረም 2011 ዓ.ም ኣብ ዘካየዶ መበል 11 ስሩዕ ጉባኤኡ፥
1. ዶ/ር ደብረፅዮን ገብረሚካኤል
2. ወይዘሮ ፈትለወርቅ ገብረእክዚኣብሄር
3. ኣይተ አለም ገብረዋህድ
4. ኣይተ ጌታቸው ረዳ
5. ኣይተ ኣስመላሽ ወልደስላሴ
6. ዶ/ር ኣብርሃም ተኸስተ
7. ወይዘሮ ኬርያ ኢብራሂም
8. ኣይተ ጌታቸው ኣሰፋ
9. ዶ/ር ኣዲስኣለም ባሌማ
10. ኣይተ በየነ ምክሩን
11. ዶ/ር ኣክሊሉ ሃይለሚካኤልን ኣባላት ፈፀምቲ ስራሕ ፈፃሚት ህወሓት ንክኾኑ መሕራዩ ይዝከር።
ካብ ዝተሓረዩ 11 ኣባላት ፈፀምቲ ስራሕ እቶም ካብ 1 ክሳብ 9 ስሞም ዝተዘርዘረ ኣባላት ፈፀምቲ ስራሕ ህወሓትን ኢህወዴግን እንትኾኑ፥ ኣይተ በየነ ምክሩን ዶ/ር ኣክሊሉ ሃይለሚካኤልን ድማ ኣባላት ፈፀምቲ ስራሕ ህወሓት ጥራሕ እዮም ነይሮም።
ፍልፍል፦Tplfofficial1967