Get real time updates directly on you device, subscribe now.
የመለስ ዜናዊ አመራር አካዳሚ ከቻይና አቻው ጋር በጋራ ለመስራት ስምምነት ተፈራረመ
ሰኔ 09፣2008
የመለስ ዜናዊ አመራር አካዳሚ ከቻይና መንግስት አመራር አካዳሚ ጋር በትብብር ለመስራት የሚያስችላቸውን የመግባቢያ ሰነድ ተፈራረመ፡፡
ስምምነቱ ሁለቱ ተቋማት በአመራር ስልጠና፣ በጥናትና ምርምር፣ በህዝብ አስተዳደርና ፖሊሲ ማማከር ዙሪያ በጋራ ለመስራት የሚያስችላቸው ነው፡፡
የቻይና አመራር አካዳሚ ምክትል ፕሬዝዳንት ቻንሊ አካዳሚያቸው ያለውን ልምድ በማካፈልና የሰው ሀይል ስልጠና በመስጠት ድጋፍ እንደሚያደርግ ተናግረዋል፡፡
የመለስ ዜናዊ አመራር አካዳሚ የራሱን ህንፃ ለመገንባት ለሚያደርገው እንቅስቃሴም ድጋፍ እንደሚያደርጉ ገልዋል፡፡
የአካዳሚ ፕሬዝዳንት ቴውድሮስ ሀጎስ በአካዳሚዎቹ መካከል የሁለቱን አገራት ግንኙነት ይበልጥ ለማጠናከር አስተዋፅኦ እንዳለው ገልፀዋል፡፡
ሪፖርተር፡- ፌቨን ተሾመ
