Get real time updates directly on you device, subscribe now.
የሰበታ – መኤሶ – ደወሌ የባቡር መስመር በመስከረም ወር ወደ አገልግሎት ይገባል
የሰበታ – መኤሶ – ደወሌ የባቡር መስመር ፕሮጀክት በመጪው መስከረም ወር ሙሉ በሙሉ ወደ አገልግሎት እንደሚገባ ተነገረ።
የኢትዮጵያ ምድር ባቡር ኮርፖሬሽን ዋና ስራ አስፈጻሚ ዶክተር ኢንጂነር ጌታቸው በትሩ ለፋና ብሮድካስቲንግ ኮርፖሬት እንዳሉት፥ ፕሮጀክቱ በአሁኑ ወቅት ከ95 በመቶ በላይ ተጠናቋል።
ፕሮጀክቱ አገልግሎት ለመስጠት የሚያስችለውን የኤሌክትሪክ አቅርቦት ለማግኘትም ዝግጅቶች እየተጠናቀቁ መሆኑንም ነው ዋና ስራ አስፈጻሚው የገለጹት።
እነዚህ ስራዎች በአጭር ጊዜ ውስጥ የሚጠናቀቁ በመሆናቸው የባቡር መስመሩ በ2009 ዓመተ መህረት መጀመሪያ ወደ አገልግሎት ይገባል ብለዋል።
ፕሮጀክቱ ሙሉ በሙሉ ስራ ሲጀምርም የሀገሪቱን የወጪ ገቢ ንግድ ከማቀላጠፍ ባሻገር፥ የቱሪዝም ዘርፉን እድገት ለማጠናከር የጎላ ሚና እንደሚኖረው ተናግረዋል።
