የካናዳ ባለሀብቶች በኢትዮጵያ ያሉ የኢንቨስትመንት አማራጮችን እያጠኑ ነው።

ሰኔ 09፣2008

የካናዳ ባለሀብቶች በኢትዮጵያ በኢንቨስትመንት ለመሰማራት የሚያስችሉ  አማራጮችን እያጠኑ ነው።

የኢትዮ-ካናዳ የንግድ ውይይት በአዲስ አበባ እየተካሔደ ይገኛል።

13 አባላትን የያዘው የካናዳ የባለሐብቶች ቡድን በኢትዮጵያ ያለውን የኢንቨስትመንት አማራጮችን ለመመልከት ነው የመጡት፡፡

የኢትዮጵያ ኢንቨስትመንት ኮሚሽን ባለሀብቶቹ በኢትዮጵያ ቢሰሩ ውጤታማ ሊሆኑ በሚችሉባቸው መስኮች ዙሪያ ገለፃ አድርጎላቸውል፡፡

የኮሚሽኑ ምክትል ዳይሬክተር አቶ አበበ አበባየሁ የካናዳ ባለሐብቶች በተለይ በጨርቃ ጨርቅ፣በቆዳ፣በታዳሽ ኃይልና በመሰረተ ልማት መስኮች ቢሰማሩ ውጤታማ እንደሚሆኑ ለባለሐብቶቹ ነግረዋቸዋል፡፡

የንግድ ለንግድ ስብሰባው ከሰዓት በኋላ ቀጥሎ የካናዳና የኢትዮጵያ ባለሐብቶች በሽርክና መስራት በሚችሉበት ሁኔታ ላይ ይወያያሉ ተብሎ ይጠበቃል፡፡