የግሉ ዘርፍ የፈጠራ ከህሎትን በማሻሻልና ጥራትን በማሳደግ ተወዳደሪ መሆን ይገባዋል ተባለ

የ4ኛው ዙር ሃገር አቀፍ የኢትዮጵያ የጥራት ሽልማት ወድድር አሸናፊዎች ትናንት የዋንጫ ሽልማት ተበርክቶላቸዋል።

ፕሬዚዳንቱ በዚሁ ጊዜ እንደተናገሩት፥ የኢኮኖሚ ልማቱ ፈጣን፣ ቀጣይነት ያለውና የህዝቡን ተጠቃሚነት ያረጋገጠ ይሆን ዘንድ መንግስት የሚያደርገው ጥረት ብቻ በቂ አይደለም።

ለዕቅዱ ስኬት የግሉን ዘርፍ ጨምሮ ሁሉም የልማት አጋሮች የሚኖራቸው አስተዋጽኦ ከፍተኛ መሆኑን ያነሱት ፕሬዚዳንት ሙላቱ፥ በባለሃብቶች የሚካሄዱ የኢንቨስትመንት እንቅስቃሴዎች በኢኮኖሚው ውስጥ የጎላ ሚና እየተጫወቱ መሆኑን አንስተዋል።

ይህንኑ እንቅስቃሴ ይበልጥ በማሳደግ ለሃገር ዕድገት የሚኖረው ፋይዳ ጉልህ ይሆን ዘንድም፥ በማምረቻና አገልግሎት ዘርፉ የተሰማሩ አካላት ለጥራት ልዩ ትኩረት ሊሰጡ እንደሚገባም ተናግረዋል።

የጥራት ውድድሩ አሸናፊ ኩባንያዎች በበኩላቸው፥ ውድድሩ ለበለጠ ስራ የሚያነሳሳቸውና ደረጃቸውን ከፍ የሚያደርግ እንደሆነ ገልጸዋል።

በጥራት ውድድሩ ዩኒቨርሲቲዎችን ጨምሮ 55 መንግስታዊና መንግስታዊ ያልሆኑ አገልግሎት ሰጭ ተቋማት ተሳታፊ መሆናቸውን የኢዜአ ዘገባ ያመለክታል።