Get real time updates directly on you device, subscribe now.
ዳያስፖራው ክልሉን ለማልማት የድርሻውን እንዲወጣ የአማራ ክልል ርዕሰ መስተዳድር ክቡር አቶ ገዱ አንዳርጋቸው ጥሪ አቀረቡ
ርዕሰ መስተዳድሩ መንግስት ባለፉት ዓመታት ባከናወናቸው ዘርፈ ብዙ ተግባራት የዜጎች ህይወት በመሻሻል ላይ መሆኑን፣ የምግብ ዋስትና መረጋገጡን፣ በጤና፣ በትምህርትና በመሰረተ ልማት ግንባታ አስደናቂ ለውጦች መመዝገባቸውን ጠቅሰው ዳያስፖራው ክልሉን ለማልማት እንዲሁም የኢትዮጵያን ህዳሴ ለማረጋገጥ ያለውን ዕውቀት፣ ሐብት እና ቴክኖሎጅ በመጠቀም የድርሻውን እንዲወጣ ጥሪ አቅርበዋል ::
ሁለተኛው የአማራ ክልል የዲያስፖራ በዓል ከሐምሌ 21 -24 /2008 ዓ.ም “የዲያስፖራው የላቀ ተሳትፎ ለህዳሴያችን” በሚል መሪ ቃል በእግር ኳስ ውድድር፣ በኢግዚቢሽን፣ በፓናል ውይይት እና በሌሎች ዝግጅቶች በባህር ዳር ከተማ በደመቀ ሁኔታ በመከበር ላይ ነው::
