አልማዝ አያና ለኢትዮጵያ የነሃስ ሜዳሊያ አስገኘች

ለሊቱን በተካሄደው በሴቶች 5 ሺህ ሜትር የፍፃሜ ሩጫ አልማዝ አያና በሰፊ ልዩነት ስትመራ ብትቆይም በመጨረሻ ግን ኬንያውያን ልቀው በመውጣት አንደኛ ቪቪያን ቼሪዮት እና ሁለተኛ ሄሌን ኦንሳንዶ ኦቢሪ በመሆን አጠናቀዋል።

ሰፊ የአሸናፊነት እድል የተሰጣት እልማዝ ደግሞ ሶሰተኛ በመሆን አጠናቃለች።

ቪቪያን ቼሪዮት አዲስ የኦሎምፒክ ክብረወሰንም በማስመዝዝገብም ነው ሩጫውን ያጠናቀቀችው።

ሌላ በሩጫው ላይ የተሳተፈችው ሰንበሬ ተፈሪ አምስተኛ በመሆን አጠናቃለች።

አልማዝ አያና በ10 ሺህ ሜትር ሩጫ ለኢትዮጵያ በውድድሩ እስካሁን ብቻኛ የሆነውን የወርቅ ሜዳሊያ ማስገኘቷ ይታወቃል።

በሪዮ ኦሎምፒክ ኢትዮጵያ እስካሁን አንድ የወርቅ፣ አንድ የብር እና አራት የነሃስ ሜዳሊያዎችን አግኝታለች።