አቶ ገዱ አንዳርጋቸው ከላይ አርማጮሆ ወረዳ ነዋሪዎች ጋር ተወያዩ

ርዕሰ መስተዳደሩ በዚሁ ወቅት እንደተናገሩት የጠገዴን እና ፀገዴን ድንበር ሁለቱ ክልሎች ተናጋግረው በአጭር ጊዜ ውስጥ መፍትሄ ይሰጣሉ ብለዋል።

የወልቃይት ማንነት ጥያቄም በትግራይ ክልል ቀርቦ ምላሽ ያገኛል ሲሉ ርዕሰ መስተደራደሩ ተናግረዋል።

በጐንደር የሚኖሩ የወልቃይት ነዋሪዎች ጥያቄቸውን በሰለማዊ ሁኔታ የማቅረብ መብት እንዳላቸው የገለጹት አቶ ገዱ፥ በተለይም የወልቃይት ነዋሪዎች ጥያቄያቸውን ለትግራይ ክልል አቅርበው ምላሽ ያገኛሉ ብለዋል።

የኮሎኔል ደመቀ ዘውዱም በአማራ ክልል በጐንደር ከተማ ጉዳዩ የሚታይ እንደሚሆን ርዕሰ መስተዳደሩ አረጋግጠዋል።

በምንም ሁኔታ ኮሎኔሉ ከጐንደር ከተማ እንደማይወጣ አቶ ገዱ ለነዋሪዎቹ ተናግረዋል።

የታሰሩትም በግልፅ ጉዳያቸው እንዲታይ እና ቤተሰቦቻቸው እንዲጠይቋቸው ይደረጋል ማለታቸውን የአማራ ብዙሃን መገናኛ ድርጅት ዘግቧል።