በህብረቱ ጉባኤ ላይ ለመሳተፍ የተለያዩ የአፍሪካ ሀገራት መሪዎች አዲስ አበባ እየገቡ ነው

በ28ኛው የአፍሪካ ሕብረት የመሬዎች ጉባኤ ለመሳተፍ የተለያዩ የአፍሪካ አገራት መሪዎች አዲስ አበባ በመግባት ላይ ናቸው።

ዛሬ ከገቡት መሪዎች የኬንያው ፕሬዝዳንት ኡሁሩ ኬንያታ፣ የሌሴቶ ጠቅላይ ሚንስትር ፓካሪፓ ሞሲሲሊ፣ የአልጄሪያ ጠቅላይ ሚንስትር አብደል መሌክ ሴላል፣ የቡርኪናፋሶ ፕሬዝዳንት ሮችማርክ ክርስትያን ካቦሪ፣ የደቡብ ሱዳን ፕሬዝዳንት ሳልቫኪር ማያርዲት፣ የሞሪታንያ ፕሬዝዳንት መሀመድ ኦውልድ አብዱል አዚዝ፣ የማዕከላዊ አፍሪካ ሪፐብሊክ ፕሬዝዳንት ፋውስቲን አርቸንጅ ታወዴራ፣ የኮንጎ ዴሞክራቲክ ሪፐብሊክ ፕሬዝዳንት ጆሴፍ ካቢላ የጋና ፕሬዝዳንት ናና አኩፎ አዶ እና የዚምባብዌው ፕሬዝዳንት ሮበርት ሙጋቤ ይገኙበታል።