የኮንትሮባንድ ንግድ አሳሳቢ በሆነ ደረጃ መጨመሩን የኢትዮጵያ ገቢዎችና ጉሙሩክ ባለስልጣን አስታወቀ

የኮንትሮባንድ ንግድ አሳሳቢ በሆነ ደረጃ እየጨመረ መምጣቱን የኢትዮጵያ ገቢዎች እና ጉሙሩክ ባለስልጣን አስታውቋል።

ባለስልጣኑ በጅግጅጋ ከተማ በፓናል ውይይት በተከበረው 10ኛው ሀገር አቀፍ የግብር እና ቀረጥ ሳምንት ላይ ነይ ይህን ያስታወቀው።

እንደ ባለስልጣኑ ገለጻ የኮንትሮባንድ ንግድ አሳሳቢ በሆነ ደረጃ እየጨመረ መምጣቱን ለአምስት ዓመታት በተደረገው ጥናት ላይ ተመርኩዞ ነው ይፋ የተደረገው።

ባለፉት ስድስ ወራት እንኳ ከ400 ሚሊየን ብር በላይ የሚያወጣ ንብረት በኮንትሮባንድ መልክ ወደ ሀገር ውስጥ ሊገባ ሲል በቁጥጥር ስር መዋሉንም በማሳያነት አቅርቧል።

የኢትዮጵያ ገቢዎችና ጉምሩክ ባለስልጣን ኃላፊ ሚኒስትር አቶ ከበደ ጫኔ፥ የወጪ እና ገቢ ኮንትሮባንድ በሀገሪቱ ኢኮኖሚ፣ ፖለቲካ እና ማህበራዊ ዘርፎች ከፍተኛ ጉዳት እያስከተለ ነው ብለዋል።

በተለይም የሰዎች ጤና ላይ ጉዳት የሚያስከትሉ መድሃኒቶች ከውጭ ሀገራት ወደ ሀገር ውስጥ እየገቡ በመሆኑን በመግለጽ ይህም በጤና ላይ ጉዳት እያስከተለ ነው ብለዋል።

በመሆኑም ሁሉም ባለድርሻ አካላት የኮንትሮባንድ ንግድን በመከላከል ረገድ ሊረባረብ ይገባል ሲሉም ተናግረዋል።

በቀጣይም የኮንትሮባንድ ግንድ ለማስቆም እና ህብረተሰቡን ተጠቃሚ ለማድረግ እንዲሁም የጠረፍ ንድን ህጋዊ ለማድረግ የሚያስችል መመሪያ እንዲዘጋጅ እንደሚሰራም አቶ ከበደ አስታውቀዋል።

የኢትዮጵያ ሶማሌ ክልል ርእሰ መስተዳድር አቶ አብዲ መሃመድ፥ የኮንትሮባንድ ንግድን ለመከላከል የክልሉ ህዝብ በንቅናቄ እየተሳፈተ ነው ብለዋል።

በቀጣይም ይህንን አጠናክሮ ይቀጥላል ሲሉም ተናግረዋል።

የጅግጅጋ ከተማ እና የአካባቢዋ ነዋሪዎች በበኩላቸው፥ የኮንትሮባንድ ንግድን ለመከላከል እንሰራለን ብለዋል።

Admin

See author's posts