የኤርታሌ እሳተ ገሞራ

 በአፋር ክልል ደቡብ ምስራቅ ኤርታሌ በመጠኑም ይሁን በስፋቱ ከዚህ ቀደም ከነበረው የሚበልጥ አዲስ እሳተ ገሞራ መፈጠሩ ተነግሯል።

ርዝመቱ 5 ኪሎ ሜትር የሚሸፍነው አዲሱ የኤርታሌ እሳተ ገሞራ ሀይቅ ከዚህ ቀደም ከነበረው የኤርታሌ እሳተ ገሞራ ስፍራ 3 ኪሎ ሜትር ዝቅ ብሎ ይገኛል።

አዲሱ የኤርታሌ እሳተ ገሞራ በብዛት ዓለም አቀፍ ጎብኚዎችን እየሳበ ነው።

እሳተ ገሞራውን ከ1 ኪሎ ሜትር ርቀት ገደማ ላይ በመሆን መመልከት እንደሚቻልም ነው የተነገረው።

የኤርታሌ አዲሱ እሳተ ገሞራ በሰውም ሆነ በአካባቢ ላይ የከፋ ጉዳት የማስከተል አቅም እንደሌለው የአዲስ አበባ ዩኒቨርሲቲ አስታውቋል።

የኤርታሌ እሳተ ገሞራ ትዕይንት በዓለም አስደናቂ በመሆኑ በርካታ ዘጋቢ ፊልሞች ተሰርተውበታል።

“በሌላው የዓለም ክፍል የሚፈጠር እሳተ ገሞራ ከፈነዳ በኋላ ጥቂት ጊዜ ቆይቶ የሚከስም ነው የኤርታሌ ትዕይንት ግን ከዓለም የተለየ የሚያደርገው ለረጅም ጊዜ መቆየቱ ነው”።

በኤርታሌ ቅርብ ርቀት ላይ የታየው አዲስ እሳተ ገሞራ እስካሁን በሰውም ሆነ በንብረት ላይ ምንም ዓይነት አደጋ አለመፍጠሩ ተገልጿል።

ዳሎል

በአፋር ክልል የሚገኘው ዳሎል ከዓለማችን ከባህር ወለል በታች 430 ጫማ (130 ሜትር) ዝቅታ ላይ ያለ ስፍራ ነው።

ከአዲስ አበባ 950 ኪሎ ሜትር ርቀት ላይ የሚገኘው ዳሎል የዓለማችን ዝቅተኛ ቦታ መሆኑም ይነገርለታል።

ዳሎል ከዝቅተኛ ስፍራነቱ ባለፈ ግን ከፍተኛ የጨው ክምችት ያለበት እና የአሞሌ ጨው ንግድ በግመል የሚካሄድበት ስፍራ ነው።

ከፍተኛ የፖታሽ ክምችት እንደሚገኝበትም ይነገራል።

የፖታሽ ክምችቱም በየጊዜው በሚቀያይራቸው ቀለማት አሸብርቆ የሚታይ የዓለማችን ልዩ ስፍራ ነው።

በፀጋ ታሪኩ