Get real time updates directly on you device, subscribe now.
በድርቅና በበሽታ ምክንያት ሊጠፉ የተቃረቡ ተኩላዎች እያንሰራሩ ነው
የካቲት 24/2009 በድርቅና በበሽታ ምክንያት ሊጠፉ የተቃረቡ ተኩላዎች ቁጥር መልሶ ማንሰራራት መጀመሩን ቤልፋስት ቴሌግራፍ በድረ ገፅ ዘገባው አስነብቧል።
እንደ መረጃው 60 አዲስ የተወለዱ የተኩላ ቡችሎችን በደቡባዊ ኢትዮዽያ በሚገኘው ባሌ ተራሮች ፓርክ መመዝገቡን ዘ ቦርን ፍሪ ፋውንዴሽን የተሰኘው ግብረ ሰናይ ተቋም አስታውቋል።
በአሁኑ ወቅት በሃገሪቱ ተራሮች ላይ የሚገኙት የኢትዮጰያ ተኩላዎች ከ500 ያነሱ ናቸው ብሏል፡፡
ተኩላዎቹ በብዛት የሚገኙባቸው የባሌ ተራራሮች ባለፉት ሶስት አመታት ውስጥ ገዳይ በሆኑ የእብድ ውሻ በሽታ፣የቫይረስ ብሎም የድርቅ አደጋ ተጠቅቶ እንደነበር ዘገባው አክሎ ጠቁሟል።
በአካባቢው ለምነት የተነሳ የአካባቢው ነዋሪዎች ወደ ከፍተኛ ቦታዎች በመንቀሳቀስ በተክሎች ላይ ባደረሱት ጥፋት ሳቢያ የተኩላ ዝርያዎቹ የመጥፋት ስጋት ውስጥ እንዲገቡ ማድረጉን ድረ ገፁ በዘገባው ማጠቃለያ ላይ አንስቷል
