Get real time updates directly on you device, subscribe now.
ወገን ለወገን በሚል የአማራ ክልል በኦሮሚያ ክልል በድርቅ ለተጎዱ አካባቢዎች ድጋፍ አድርጓል።የአማራ ብሄራዊ ክልላዊ መንግስት በኦሮሚያ ክልል አርብቶ አደር አካባቢ በሆኑት የቦረና እና ምእራብ ጉጂ አካባቢ በድርቅ ምክንያት ጉዳት ለደረሰባቸው ዜጎች ነው ድጋፉን ያደረገው።ድጋፉም 5 ሺህ ኩንታል ስንዴ እና አካባቢው ካጋጠመው ድርቅ እስኪያገግም ድረስ የሚያገለግሉ ሁለት የውሃ ማመላለሻ (ቦቴ) ተሽከርካሪዎች ናቸው።
የአማራ ክልል የመንግስት ኩሙዩኒኬሽን ጉዳዮች ቢሮ ሃላፊ አቶ ንጉሱ ጥላሁን የክልሉን መንግስት በመወከል ድጋፉን ስፍራው ድረስ በመጓዝ አስረክበዋል።በዚሁ ጊዜም የአማራ ህዝብ ለረጅም ጊዜ ወዳጁ ለሆነው ለኦሮሞ ህዝብ ያደረገው ድጋፍ ነው ሲሉም ተናግረዋል።
በድጋፍ አሰጣጥ ስነ ስርዓቱ ላይ የተገኙት የኦሮሚያ ክልል የመንግስት ኮሙዩኒኬሽን ጉዳዮች ቢሮ ሀላፊ አቶ አዲሱ አረጋም ከአማራ ክልል ለተደረገው ድጋፍ ምስጋና ማቅረባቸውን ከቦረና ዞን መንግስት ኮምዩኒኬን ጉዳዮች ጽህፈት ቤት ያገኘነው መረጃ ያመለክታል።
