ህዝቡን የሚጠቅም አስተሳሰብ በመያዝ ለስኬታማ ስራዎች መረባበረብ እንደሚገባ ተጠቆመ፡፡

የኢህአዴግ ወጣቶች ሊግ ስራ አስፈፃሚ የ6 ወራት የስራ አፋፃፀም ግምገማ በባህርዳር ዛሬ ተጀምሯል፡፡በስራአስፈፃሚው ውይይት ላይ ተገኝተው የእንኳን ደህና መጣችሁ ንግግር ያደረጉት የብአዴን ማእከላዊ ኮሚቴ ጽ/ቤትና የብአዴንና የኢህአዴግ ስራ አስፈፃሚ ኮሚቴ አባል ጓድ አለምነው መኮነን እንደተናገሩት የሊጉ አመራሮች ህዝብን የሚጠቅም አስተሳሰብ በመያዝ ተጨባጭ ውጤተማ ተግባር ማምጣት እንደሚገባቸው አሳስበዋል የተቀደሰ ሀሳብ ጥንትም ነበረ ያሉት ጓድ አለምነው ችግሩ የሚስተዋለው የተቀደሰውን ሀሳብ ወደ ተግባር በመዋል በኩል ያሉ ችግሮች ናቸው ብለዋል፡፡የሊጉ ስራ አስፈፃሚ እየሄደበት ያለውን እንቅስቃሴ ያደነቁት ጓድ አለምነው አመራሩ የጀመረውን የአቅም ግንባታ ስራ በማጠናከር የወጣቱን ተጠቃሚነት እና ተሳትፎ እንዲጎለብት መስራት ይገባል ብለዋል፡፡ጓድ አለምነው በንግግራቸው በአፅንኦት እንዳስቀመጡት ‹‹ያለልፋት ውጤት የለም ያለልፋት ትርፍ ነገር የለም ስለሆነም በለስላሳ ጉዞ ውጤት አትጠብቁ ህዝብ የሚጠቅም አስተሳሰብ ከተግባራዊ እንቅስቃሴ ጋር ይዛችሁ ርብርብ አድርጉ ከሂደቱም ከውጤቱም ለመርካት መስዋትነትን ለመክፈል ተዘጋጁ›› በሚል ለሊጉ ስራ አስፈፃሚዎች መልእክት በማስተላለፍ ውይይቱ ውጤታማ እንዲሆን ተመኝተው ቆይታቸው የተሳካ እንዲሆን ያላቸውን ምኞት ገልፀዋል፡፡የኢህአዴግ ወጣቶች ሊግ ስራአስፈፃሚ የ6ወራቱን የሊጉን ዝርዝር አፈፃፀም በመገምገም እና የቀጣይ አቅጣጫዎችን ያስቀምጣል ተብሎ ይጠበቃል፡፡