ሰሜን ኮሪያ አራት የባለስቲክ ሚሳኤሎችን አስወነጨፈች

ሰሜን ኮሪያ አራት የባለስቲክ ሚሳኤሎችን ወደ ጃፓን አቅጣጫ ማስወንጨፏ ተነገረ።የደቡብ ኮሪያ ወታደራዊ ምንጮች እንደገለፁት፥ ሰሜን ኮሪያ ከቻይና ጋር ከምትዋሰንበት አከባቢ የተወነጨፉት ሚሳኤሎች 1 ሺህ ኪሎ ሜትር ከተጓዙ በኋላ “የጃፓን የኢኮኖሚ ዞን” ተብሎ በተከለለ አከባቢ ላይ ወድቀዋል።ባለፈው አርብ ሰሜን ኮሪያ በዩናይትድ ስቴትስ እና ደቡብ ኮሪያ እየተደረገ ላለው ወታደራዊ ልምምድ አፀፋ የሚሆን ሚሳኤል እንደምትተኩስ አስጠንቅቃ ነበር።ዛሬ ማለዳ ላይ የተተኮሱት ሚሳኤሎች ዓይነት በዝርዝር አለመታወቁ ነው የተገለፀው።ሆኖም የተባበሩት መንግስታት ድርጅት ሰሜን ኮሪያ ምንም ዓይነት ሚሳኤልም ሆነ የኑክሌር ሙከራ እንዳታደርግ ማእቀብ ጥሎባታል።ባለፈው የፈረንጆቹ ወር ፒዮንግያንግ አዲስ ዓይነት የባለስቲክ ሚሳኤል ሙከራ አድርጋ እንደተሳካላት መግለጿ ይታወሳል። ምንጭ፦ ቢቢሲ