አሜሪካ ላፕቶፕ የጫኑ አውሮፕላኖች ወደ ሀገሯ እንዳይገቡ ከለከለች

አሜሪካ ከስምንት የመካከለኛው ምስራቅ እና ሰሜን አፍሪካ ሀገራት የሚነሱ አውሮፕላኖች የኤሌክትሮኒክስ መሳሪያዎችን ጭነው ወደ ሀገሪቱ እንዳይገቡ አገደች፡ ክልከላው ላፕቶፕ፣ ታብሌቶች፣ ካሜራ፣ ዲቪዲ እና የመሳሰሉትን ያካትታል፡፡የሞባይል ስልክ በክልከላው አልተካተተም፡፡የአሜሪካ የደህንነት ተቋም እንዳስታወቀው ክልከላው ያስፈለገው በመሳሪዎቹ የቦንብ ፍንዳታዎች እየተከሰቱ በመሆኑ ነው፡፡ለምሳሌነትም አይ ኤስ እና አልሻባብ በላፕቶፕ የፈፀሟቸውን ፍንዳታዎች አቅርበዋል፡፡በክልከላው ከአፍሪካ የግብፅ እና ሞሮኮ አየር መንገዶች፣ ከአረብ ሀገራት ደግሞ የሳዑዲ አረቢያ፣ ዮርዳኖስ፣ ቱርክ፣ ኳታር እና ዩናይትድ አረብ ኢምሬትስ ይገኙበታል፡፡ ዘገባው የቢቢሲ ነው፡፡