አስተዳደሩ ተጎጂዎችን በዘላቂነት ለሟቋቋም ውይይት እያደረገ ነው

የአዲስ አበባ ከተማ አስተዳደር በቆሼ አካባቢ በቆሻሻ መደርመስ ምክንያት ጉዳት  የደረሰባቸውን ቤተሰቦች በዘላቂነት ለሟቋቋም ከተጎጂ የህብረተሰብ ክፍሎች ጋር ውይይት እያደረገ  መሆኑን አስታወቀ ።

በከተማው አስተዳደር የኮሙኒኬሽን ጉዳዮች ቢሮ ኃላፊ ወይዘሮ ዳግማዊት ሞገስ ለዋልታ እንደገለጹት በቆሼ የቆሻሻ መደርመስ ምክንያት ጉዳት የደረሰባቸው ቤተሰቦችን በዘላቂነት በማቋቋም ወደ ቋሚ ኑሯቸው እንዲመለሱ ለማድረግ ጥረት እየተደረገ ነው ።

በአደጋው የጎዱ ቤተሰቦችን የመለየትሥራ እየተከናወነ መሆኑን የጠቆሙት ወይዘሮ ዳግማዊት  በመልሶ  ማቋቋም ሥራዎች ዙሪያ ከተጎጂ  ወገኖች ተወካዮች ጋር የጋራ መግባባት ከተደረሰ በኋላ ተግባራዊ እንቅስቃሴ እንደሚጀመር ተናግረዋል ።

እስካሁን ድረስ ለአደጋው ተጎጂ ወገኖች 76 ሚሊዮን ብር የድጋፍ ገንዝብ መሠጠቱንና ቃል መገባቱን የሚገልጹት ወይዘሮ ዳግማዊት 5 ሚሊዮን ብር የሚገመት ቁሳቁስና የምግብ እርዳታ ድጋፍ ለተጎጂዎች ተበርክቷል ብለዋል ።

በቆሼ አካባቢ አደጋ  ተጋለጭ የሆኑ ነዋሪዎች አደጋ  እንዳይጋለጡ ለማድረግ  በአንድ ቦታ በማሰባሰብ  የዕለት  ደራሽ እርዳታ እየተደረገላቸው እንደሚገኝ ወይዘሮ ዳግማዊት ገልጸዋል ።

በቆሼ አካባቢ በቆሻሻ መደርመስ ምክንያት አደጋ ምክንያት 113 ህይወታቸውን ያጡ መሆኑ  ይታወቃል ።

በአደጋው ለደረሰባቸው  ወገኖችን ለመደገፍ  በኢትዮጵያ ንግድ ባንክ  በተከፈተው የሂሳብ ቁጥርና  በሞባይል አጭር ጽሑፍ መላኪያ ቁጥር የተለያዩ የህብረተሰብ  ክፍሎች ድጋፎቸውን እያደረጉ ነው ።