Get real time updates directly on you device, subscribe now.
የመንግሥት ሥልጣን ከህዝብና አገር መለወጫነት ይልቅ የግል ጥቅም ማራመጃ ለማድረግ የሚካሄድ ጥረት ና ሥልጣንን ካለአግባብ ለመጠቀም የመሻት ዝንባሌ በቸልታ ከታየ ሊያስከትለው የሚችለው ጉዳት ጠቅላላ ውድመት እንደሚሆን በመገንዘብ ከውስጣችን በትግል ማስወገድ ይገባናል፡፡
በያዝነው ሥልጣን ህዝብና አገርን ከመለወጥና ከማሳደግ ውጭ ለግል ጥቅም የሚስገበገቡ ሰዎችን በፅናት መፋለም ይገባል፡፡ በምግባረ ብልሹነትም ሆነ በስንፍና የመንግሥት ሥልጣንን የህዝብና የአገር መለወጫ መሣሪያ አለማድረግ ሁላችንን በተለይ ደግሞ ብዙሃኑን ህዝብ ከባድ ዋጋ የሚያስከፍል እንደሚሆን በመገንዘብ እነዚህን አፍራሽ አዝማሚያዎች አጥብቆ መታገልና ማሸነፍ ይገባል፡፡ አለአግባብ ለመጠቀም የሚደረግና ዛሬም እንደትላንቱ ይህን ዝንባሌ በህዝብ አጀንዳ ለመሸፈን የሚደረግ ማንኛውም የጥፋት ሩጫ በፅናት መፋለም ይገባል፡፡
ከላይ በዝርዝር የተቀመጡትን የትግል ስልቶች አቀናጅተን በብቃት ከፈፀምን የአገራችን ዴሞክራሲያዊና ልማታዊ ጉዞ አንገት ያስደፋቸው የትላንት አስተሳሰቦች የአገራችንንና የህዝባችንን ብሩህ እድል ለአደጋ እንዳያጋልጡ ማድረግ እንችላለን፡
ቀጣይነት ባለው ትግል የጀመርነውን የህዳሴ ጉዞ በማጠናከር የበለፀገች ዴሞክራሲያዊት ኢትዮጵያን እውን እንደምናደርግ ለአፍታ ቢሆን አንጠራጠርም፡፡ ወሳኙ ነገር በጥብቅ ዲሲኘሊን የመታገልና የህዝብን ጥቅም የማስቀደም ጉዳይ ነው፡፡ Ewnetu Bilata Debela
