የቤኒሻንጉል ጉሙዝ ክልል የኢንቨ ስትመንት ጽሕፈት ቤት የ27 ባለሃብቶችን የኢንቨስትመንት ፍቃድ መሰረዙን አስታወቀ። የ14 ባለሃብቶችን የልማት አቅም በመገምገም ከያዙት መሬት 50 በመቶ ያህሉን እንደቀነሰባቸው ገልጿል።
የክልሉ ኢንቨስትመንት ጽሕፈት ቤት ኃላፊ ተወካይ አቶ ጋሻው ሽሞ ለአዲስ ዘመን እንደተናገሩት፣ በ2008 ዓ.ም በጀት ዓመት ከባለድርሻ አካላት ጋር በመሆን በ225 ፕሮጀክቶች ላይ ክትትል ተደርጓል። በዚህ መሰረትም 27 ባለሃብቶች በገቡት ውል መሰረት ኢንቨስትመንቱን ባለማከናወናቸውና አፈፃፀማቸው እጅግ ዝቅተኛ በመሆኑ የኢንቨስትመንት ፍቃዳቸው ሊሰረዝ ችሏል።
ፍቃዳቸው የተሰረዘባቸው ባለሀብቶችም ተረክበውት የነበረውን 10 ሺ 384 ነጥብ ሰባት ሄክታር መሬት ተነጥቀው ወደ መሬት ባንክ እንዲገባ መደረጉን የገለጹት ኃላፊው፣ ባለሃብቶቹ አስመዝግበው የነበረው የካፒታል መጠንም 138 ሚሊዮን 747 ሺ 296 ብር እንደነበር አስታ ውሰዋል።
በክልሉ ይህ ዓይነት እርምጃ ሲወሰድ የመጀመሪያ እንዳልሆነ የገለፁት አቶ ጋሻው፤ በ2008 በጀት ዓመትም በተመሳሳይ የ90 ባለሀብቶች የኢንቨ ስትመንት ፍቃድ መሰረዙን ተናግረዋል።
በተመሳሳይም የ14 ሌሎች ባለሃብቶችን የልማት አቅም በመገምገም ከያዙት መሬት 50 በመቶ የይዞታ ቅነሳ እንደተደረገባቸው ኃላፊው አስታውቀዋል።በተጨማሪም ለ164 ባለሀብቶች ቀላልና ከባድ ማስጠንቀቂያ መሰጠቱን አቶ ጋሻው ጠቁመዋል።
ፍቃዱ ከተሰረዘባቸው ባለሃብቶች መካከል የተወሰኑትን አዲስ ዘመን ያነጋገረ ሲሆን፣ ባለሀብቶቹ ክልሉ የወሰደው እርምጃ በትክክለኛው መንገድ በተደረገ ግምገማ አለመሆኑን ተናግረዋል።
የዚህን ዘገባ ሙሉ