የአማራ ክልል ምክር ቤት መደበኛ ጉባኤውን ነገ ይጀምራል

የአማራ ክልል ምክር ቤት መደበኛ ጉባኤውን ነገ ማካሄድ ይጀምራል።

የምክር ቤቱ አፈ ጉባኤ ጽህፈት ቤት ባደረሰን መረጃ ለአራት ቀናት በሚቆየው ጉባኤ፥ የበጀት አመቱ ስድስት ወራት የክልሉ የስራ አፈጻጸም ሪፖርት ቀርቦ ውይይት ይደረግበታል።

የአስፈጻሚ አካላት የተቃለለ የልማትና መልካም አስተዳደር እቅድ፣ የክልሉ የዳኝነት አካላት አፈጻጸም እቅድና የዋናው ኦዲተር መስሪያ ቤት የክዋኔ ኦዲት አፈጻጸም ሪፖርቶችም ቀርበው ይገመገማሉ።

የምክር ቤቱ አፈጉባኤ አቶ ይርሳው ታምሬ፥ ምክር ቤቱ በየዘርፉ የተፈጸሙ ተግባራትን የሚገመግም ቋሚ ኮሚቴ አቋቁሞ ክትትል ሲያደርግ ቆይቷል ብለዋል።

አፈጻጸሙ ቀርቦም እንደሚገመገምና የህዝብ ጥያቄን መሰረተ ያደረጉ ጉዳዮች ትኩረት እንደሚያገኙ ተገልጿል።

በጉባኤው ለልማት፣ መልካም አስተዳደርና ለዴሞክራሲ ስርዓት ግንባታ አጋዠ የሆኑ አዋጆችም ይጸድቃሉ ተብሎ ይጠበቃል።