Get real time updates directly on you device, subscribe now.
ደቡብ አፍሪካ የሱዳኑን ፕሬዚዳንት ኦማር ሀሰን አልበሽርን አሳልፋ ባለመስጠቷ ምክንያት የአለም አቀፉ የወንጀለኞች ፍርድ ቤት ልትቀርብ ነው።
በአለም አቀፉ የወንጀለኞች ፍርድ ቤት የእስር ማዘዣ የተቆረጠባቸው የሱዳኑ ፕሬዚዳንት ኦማር ሀሰን አልበሽር በደቡብ አፍሪካ በሚገቡበት ጊዜ ሀገሪቱ ፕሬዚዳንቱን አሳልፌ አልሰጥም በማለቷ ነው ፍርድ ቤት የምትቀርበው።
ፕሬዚዳንት አልበሽር ከሁለት ዓለም በፊት በደቡብ አፍሪካ በተካሄደው የአፍሪካ ህብረት ጉባዔ ላይ ለመካፈል በሄዱበት ጊዜ ደቡብ አፍሪካ ፕሬዚዳንቱን በቁጥጥር ስር እንድታውል ተጠይቃ እምቢ ማለቷ ይታወሳል።
ደቡብ አፍሪካ ፕሬዚዳንቱን በቁጥጥር ስር በማዋል ለፍርድ ቤቱ አሳልፋ መስጠት ያልቻለችበትን ምክንያትም የፊታችን መያዝያ ወር ላይ በአለም አቀፉ የወንጀለኞች ፍርድ ቤት ቀርባ ማብራሪያ እንደትሰጥም ቀጠሮ ተይዞላታል።
ደቡብ አፍሪካ እንደ አውሮፓውያኑ አቆጣጣር በ2015 ላይ ከአለም አቀፉ የወንጀለኞች ፍርድ አባልነት የመውጣት እቅድ እንዳላት አስታውቃ ነበር።
ሆኖም ግን የሀገሪቱ ከፍተኛ ፍርድ ቤት እቅዱ ህገ መንግስታዊ አይደለም በማለት ውድቅ እድርጎባታል።
ምንጭ፦ CGTN Africa
