Get real time updates directly on you device, subscribe now.
ኮየሶሪያ በአማጽ ይዞታ ስር ባለችው ካን ሼኩን ከተማ በመንግስት ወይም በሩሲያ የአየር ድብደባ መካሄዱን እና በጥቃቱ ዘጠኝ ህጻናትን ጨምሮ ቢያንስ 58 ሰዎች በመርዝ ጋዝ መገደላቸውን የሶሪያ ተቃዋሚዎች ገለጹ፡፡
ማክሰኞ እለት በተካሄደው በዚሁ የአየር ጥቃት ተከትሎ አካባቢው ነዋሪዎች በጭሱ ምክንያት ታፍነው እራሳቸውን መሳታቸውን እና በአፋቸው በአረፋ ተደፍቆ መመልከቱን መቀመጫውን ብሪታኒያ ያደረገ የመብት ተሟጋች ድርጅት ተናግሯል፡፡
ደማስቆ እንደዚህ ያሉ መሳሪያዎችን እንደማትጠቀም የገለጸች ሲሆን ፤የሶሪያ ጦር ወዲያው በጉዳዩ ላይ አስተያየቱን ማገኘት እንዳልተቻለ አልጀዚራ ዘግቧል፡፡
እንደ አልጀዚራ ጋዜጠኛው አለን ፊሸር ከቤሩት እንደዘገበው ፤በአካባቢው ያሉ ነዋሪዎች የሟቾቹ ቁጥር ከዚህም ሊልቅ ይችላል ብሏል፡፡
የሶሪያ ብሄራዊ አማጺያን ቡድን የተባበሩት መንግስታት ድርጅት በአፋጣኝ የመንግስታቱ ድርጅት ጸጥታ ምክርቤት ምርመራ እንዲያካሂድ ጠይቋል፡፡
እሁድ እለት በለቤትነታቸው የሩሲያ ሳይሆኑ እንዳለቀሩ የሚገመቱ የጦር ጄቶች በሰሜናዊ ኢድሊብ ከተማ በሚገኝ ሆስፒታል ላይ ባደረሱት ሶስት የአየር ጥቃቶች ቢያንስ አስር ሰዎች መቁሰላቸው እና የሆስፒታሉ ህንጻ መፍረሱ ተዘግቧል፡፡
ምንጭ ፦አልጀዚራ
