ባለሥልጣኑ የሌሊት ጉዞን ህጋዊ የሚያደርግ ፖሊሲ እያዘጋጀ ነው

በአገሪቱ ህገ ወጥ እንደሆነ  የተደነገገለትን  በሌሊት የሚሠጥ የህዝብ ትራንስፖርት አገልግሎትን  ህጋዊ  የሚያደርግ ፖሊሲ እያዘጋጀ መሆኑን  የፌደራል የትራንስፖርት ባለሥልጣን አስታወቀ ።

እንደ ባለሥልጣኑ ገለጻ  በሌሊት ወቅት በህዝብ ትራንስፖርት አማካኝነት ለዓመታት ሲካሄዱ የቆዩት  ጉዞዎች ቀደም ብሎ በወጡት አዋጆች ህገ ወጥ መሆኑን ተደንግጓል ።

ባለሥልጣኑ  በህዝብ ትራንስፖርት አማካኝነት  በሌሊት የሚሠጥ ህገ ወጥ የትራንስፖርት አገልግሎትን  ለመከላከል እርምጃዎችን በመውሰድና የተለያዩ አሠራሮችን  ለመዘርጋት  ቢሞክርም  ችግሩን  ለማስወገድ አልቻለም ።

በአዲስ አበባ ከተማ  ዋልታ ቴሌቪዥን  ያነጋገራቸው የሌሊት ትራንስፖርት አገልግሎት ተጠቃሚዎች እንደሚናገሩት  በአገሪቱ  የመሠረተ ልማቶችና አሠራሮች በአግባቡ ከተዘረጉ  የሌሊት ጉዞን ህጋዊ ማድረግ ይቻላል ብለዋል ።

የፌደራል ትራንስፖርት  ባለሥልጣን ባለድርሻ አካላትን  በማሳተፍ የሌሊት ትራንስፖርት አገልግሎትን ህጋዊ የሚያደርግ  ፖሊሲን እያዘጋጀ መሆኑን ገልጿል