Get real time updates directly on you device, subscribe now.
ከሰበታ በሬ ገዝተው ወደ አዲስ አበባ ሲያመሩ የነበረ ግለሰብ በገዙት በሬ ተወግተው ህይወታቸው አልፏል።
በአደጋው ህይታቸውን ያጡት ግለሰብ አቶ ተጎዱ ጌታቸው ይባላሉ።
ነዋሪነታቻው በላፍቶ ክፍለ ከተማ የነበረው ግለሰብ በበኣሉ ዋዜማ ወደ ሰበታ አንቅተው የገዙትን በሬ በክፍት ተሽከርካሪ ጭነው ወደ አዲስ አበባ ሲመጡ ነው አደጋው የደረሰው።
አሳዛኙ አደጋ የተከሰተውም እንዲህ ነው፤ በአይሱዙ የተጫነው በሬ ከግብይት ስፍራው ተነስቶ ትንሽ ከተጓዘ በኋላ ሰበታ ከተማ 03 ቀበሌ ሲደርስ ከተሽከርካሪው ላይ ዘሎ ይወርዳል።
በሬውን የዘጉት ግለሰብም የበሬውን መውረድ ሲያዩ ከተሽከርካሪው በመውረድ በሬውንን ለመያዝ ከኋላው ይከተሉታል።
በዚህ አባሮሽ ላይ እያሉ በሬው ወደ ኋላ በመመለስ ካሳደዳቸው በኋላ አንገታቸው ሰር ይወጋቸዋል።
በውጊያው ክፉኛ የተጎዱት ግለሰብ ለህክምና ወደ አለርት ሆስፒታል ቢወሰዱም ህይወታቸው ሊተርፍ አልቻለም።
መረጃውን ያደረሰን የሰበታ ከተማ ፖሊሲ ጣቢያ የህዝብ ግንኙነት ሃላፊ ምክትል ኮማንደር አደም ሀሰን ናቸው።
