Get real time updates directly on you device, subscribe now.
አዲስ አበባ ሚያዝያ 1/2009 የኦህዴድ 27ኛ ዓመት የምስረታ በዓል ማጠቃለያ በሚሊኒየም አዳራሽ እየተከበረ ነው።
የድርጅቱ ምክትል ሊቀመንበር ዶክተር ወርቅነህ ገበየሁ ኦህዴድ የኦሮሞን ህዝብ ትግል ወደሌላ ምዕራፍ ያሸጋገረ መሆኑን ተናግረዋል።
የኦሮሞ ህዝብ አሁንም ጥያቄዎች አሉት ያሉት ምክትል ሊቀመንበሩ ድርጅቱ ጥያቄዎቹን ለመመለስ እየሰራ መሆኑን ገልፀዋል።
ባለፉት 27 ዓመታት የተሰሩ ስራዎች እንዳሉ ሆነው “ከፊታችን የሚጠብቀንን ትግል በቁርጠኝነት ለማለፍ በተሃድሶ ውስጥ አልፈን ለህዝቡ ቃላችንን አድሰናል” ብለዋል።
በመሆኑም አሁን ከየትኛውም ጊዜ በበለጠ እየተንቀሳቀስን ያለንበት ጊዜ ነው ሲሉም አክለዋል።
ዶክተር ወርቅነህ ለድርጅቱ አባላት፣ ለኦሮሞ ህዝብና ለእህት ድርጅቶች ባስተላለፉት መልዕክት እንደከዚህ ቀደሙ ሁሉ ከኦህዴድ ጎን እንዲሰለፉ ጥሪ አቅርበዋል።
