የቀድሞው የኢትዮጵያ ብሄራዊ እግር ኳስ ቡድን ተጫዋች የነበረው አሰግድ ተስፋዬ ከዚህ አለም በሞት መለየቱን የኢትዮጵያ እግር ኳስ ፌዴሬሽን ለኢቢሲ በላከው መግለጫ አስታወቀ፡፡
አሰግድ ተስፋዬ በመልካም ስነ-ምግባሩና በልዩ ችሎታው የአገራችንን እግር ኳስ አፍቃሪዎች የማረከ፣ ሀገራችንን በክብር ያስጠራና ለወጣት ተጫዋቾች ምሳሌ በመሆን በግንባር ቀደምነት ከሚጠቀሱት የእግር ኳስ ተጫዋቾች መካከል አንዱ እንደ ነበር አብራርቷል፡፡
ህፃናትን በማሰልጠን ለሀገራችን እግር ኳስ ትንሳኤ ሳይታክት በመስራት ላይ እያለ በሞት በሞት በመለየቱ ምክንያት ፈዴሬሽኑ የተሰማውን ሃዘን ገልጿል፡፡
እንዲሁም ለመላው የአገራችን እግር ኳስ ስፖርት ቤተሰቦች ለወዳጅ ዘመዶቹና ለአድናቂዎቹ ፌዴሬሽኑ መፅናናትን ተመኝቷል፡፡