Get real time updates directly on you device, subscribe now.
የትግራይ ብሄራዊ ክልላዊ መንግስት ለ1 ሺህ 421 የህግ ታራሚዎች ይቅርታ አደረገ።
ክልሉ ለህግ ታራሚዎቹ ይቅርታ ያደረገው፥ በክልሉ እየተከበረ ያለውን 29ኛ ዓመት የትግራይ ሰማዕታት ቀን ምክንያት በማድረግ ነው፡፡
የክልሉ የማረሚያ ቤቶች ፅህፈት ቤት ኃላፊ ኮማንደር ወልዳይ አብርሃ እንደገለፁት፥ የህግ ታራሚዎቹ ይቅርታ የተደረገላቸው መመዘኛውን አሟልተው በመገኘታቸው ነው።
ይቅርታው በህገ ወጥ የሰዎች ዝውውር፣ በአራጣ ብድር፣ ኮንትሮባንድ፣ አስገድዶ መድፈር፣ የተደራጀ ስርቆትና ሌሎች ከባድ ወንጀሎችን ፈፅመው የተከሰሱ የህግ ታራሚዎችን አያካትትም።
ምንጭ፡-ኢዜአ
