የአንጎላ ጥንታዊ ከተማ ሜባንዛ ኮንጎ የአለም ቅርስ መዳረሻ ሆና ተመዘገበች

የአንጎላ ጥንታዊ ከተማ ሜባንዛ ኮንጎ የአለም ቅርስ መዳረሻ ሆና ተመዘገበች የአንጎላዋ ከተማ ሜባንዛ ኮንጎ የኮንጎ ኪንግደም የፖለቲካና መንፈሳዊ መዳረሻ በመሆን አገልግላለች፤ ይህም በደቡብ አፍሪካ ከ14-19ኛው መቶ ክፍለ ዘመን ከነበሩ ትላልቅ መንግስታት አንዷ ነበረች፡፡

በዚህ ታሪካዊ ስፍራ የነገስታት መኖሪያ ፣ባህላዊ ችሎት ፣”ቅዱስ ዛፍ” እና የነገስታት መቃብር ይገኛል ፤ፖርቹጋሎች በ15ኛው ክፍለ ዘመን በስፍራው ሲደርሱ ከተሜነትን ለማስፋፋት በአውሮፓውያን የአገነባብ ስልት የአካባቢውን ቁሶች ተጠቅመው ግንባታ ማከናወናቸውን ዩኔስኮ ገልጿል፡፡

በሌላ በኩል የደቡብ አፍሪካው ኮማኒ የተሰኘው የተፈጥሮ አቀማመጥ የአለም ቅርስ ሆኖ እንዲመዘገብ ተወስኗል፤ በአካባቢው በስፋት የሚታየው አሸዋ የሰው ልጅ ከድንጋይ ዘመን እስከአሁን በአካባቢው እንደኖረበት አመላካች እንደሆነ ዩኔስኮ ገልጿል ፤ቦታው ለረዥም ጊዜ የኖሩበትን የኮማኒ ህዝቦች ባህልን እንደሚያንፀባርቅና አስቸጋሪውን የበረሃ ኑሮም የተላመዱበትን ስትራተጂ እንደሚያሳይ ሲጂቲን ዩኔስኮን ዋቢ አድርጎ ዘግቧል፡፡