እንግሊዝ ለአፍሪካ ቀንድ ሰላምና መረጋጋት አጋርነቷን እንደምታጠናክር ገለጸች

ኢትዮጵያ በቀጠናው ዘላቂ ሰላምና መረጋጋት እንዲሰፍን በኢጋድ ጥላ ስር የምታደርገውን ጥረት በሙሉ አቅሟ እንደምትገፋበት ዶ/ር ወርቅነህ ገልጸዋል።

በሶማሊያ ያለው ሰላም ፈጣን መሻሻሎችን እያሳየ ነው ያሉት ዶ/ር ወርቅነህ ሆኖም ከአልሸባብ በኩል የሚሰነዘረውን ጥቃት ከስሩ ለመናድ ዓለም አቀፉ ማህበረሰብ አጋርነት ወሳኝ ነው ብለዋል።

በተለይም የሶማሊያ ተቋማትን በመገንባትና በማጠናከር ረገድ የዓለም አቀፉ ማህበረሰብ ድጋፍ አስፈላጊ እንንደሆነም ነው ዶ/ር ወርቅነህ የገለጹት።

ዓለም አቀፉ ማህበረሰብ በደቡብ ሱዳን ሰላምን ለመመለስ ኢጋድ የሚያደርገውን ጥረት እንዲደግፍም ዶ/ር ወርቅነህ ጥሪ አቅርበዋል።

ሚ/ር ዴኤታ ሮሪ በበኩላቸው ኢትዮጵያ በቀጠናው ሰላምና መረጋጋትን እንዲሰፈን የምታደርገውን ጥረት አገራቸው እንድምታደንቅ ተናግረዋል።

እንግሊዝ ለአፍሪካ ቀንድ ሰላምና መረጋጋት ያላትን አጋርነት አጠናክራ እንደምትቀጥልም ገልጸዋል።