Ethiopiaprosperous
Ethiopian News Ethiopian Daily news, Regarding political and social Issues.

የህወሃት ማዕከላዊ ኮሚቴ ላለፉት ሰባት ቀናት ያካሄደውን ስብሰባ አጠናቀቀ

0 947

Get real time updates directly on you device, subscribe now.

በትግራይ ክልል ባለፈው አመት በተጀመረው የጥልቅ ተሀድሶ ግምገማ በህዝብ ተደግፎ ውጤት እያሳየ መሆኑን የህዝባዊ ወያነ ሃርነት ትግራይ (ህወሃት) ማዕከላዊ ኮሚቴ ገለጸ።

ማዕከላዊ ኮሚቴው ከመስከረም 22 ቀን እስከ መስከረም 28 ቀን ያካሄደውን ስብሰባ አጠናቋል።

በቆይታውም በ2009 ዓ.ም የነበረውን የመንግስትና የድርጅቱን የስራ አፈጻጸም ገምግሟል።

ዴሞክራሲያዊ ስርዓትና መልካም አስተዳደር ለማስፈን በተካሄደው ጥልቅ ተሀድሶ ህዝቡ ያሳየው ተሳትፎና ትግል ተጠናክሮ እንዲቀጥል ማዕከላዊ ኮሚቴው አሳስቧል።

በአማራ እና ትግራይ ክልሎች ፀገዴ እና ጠገዴ አካባቢ የነበረው የወሰን ማካለል ጥያቄ የሁለቱን ክልል ህዝቦች ትስስር በሚያጠናክር መልኩ መፈታቱን ማዕከላዊ ኮሚቴው አድንቋል።

በኦሮሚያ እና የኢትዮጵያ ሶማሌ ክልል ድንበር አዋሳኝ አካባቢዎች በተፈጠረው ግጭት፥ በሰው ህይወት እና ንብረት ላይ በደረሰው ጉዳት ህውሃት፣ የክልሉ መንግስት እና ህዝቡ የተሰማቸውን ሀዘንም ገልጸዋል ብሏል በመግለጫው።

ማዕከላዊ ኮሚቴው ችግሩን ከሌሎች እህት ድርጅቶች ጋር በመሆን፥ በአብዮታዊ ዴሞክራሲ መንገድ ለመፍታት በሚደረገው ጥረት የበኩሉን እንደሚወጣም ጠቁሟል።

ህገ መንግስታዊ የፌደራል ስርዓቱን ለማፍረስ መልኩን እየቀያየረ እየተከሰተ ያለውን የትምክህት እና ጥበት አደጋ ለመመከትም፥ ህወሃት ከእህት ድርጅቶቹ ጋር ተባብሮ ይሰራልም ብሏል ኮሚቴው።

 

በዛይድ ተስፋዬ

 

Leave A Reply

Your email address will not be published.

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy