Get real time updates directly on you device, subscribe now.
የፋይናንስ ዘርፍ ደህንነት ስትራቴጂ ተዘጋጀ
የፋይናንስ ዘርፉን ደህንነት ለማረጋገጥ የሚረዳ ስትራቴጂ ተዘጋጀ ።
ስትራቴጂው የፋይናስ ተቋማትን ውጤታማነት በከፍተኛ ደረጃ ለማሳደግ የሚያስችል መሆኑ ነው የኢንፎርሜሽን መረብ ደህንነት ኤጀንሲ ዋና ዳሬክተር ሜጀር ጄኔራል ተክለብርሃን ወልደአረጋይ ለፋና ብሮድካስቲንግ ኮርፖሬት የተናገሩት።
የተዘጋጀው ስትራቴጂም በአሁኑ ወቅት ለብሔራዊ ባንክ ቀርቧል።
በተጨማሪም የፋይናስ ተቋማት የተቀናጀ የዳታ ማዕከል ለማስጀመርም ከባለድርሽ አካላት ጋር ምክክር በማካሄድ ፍኖተ ካርታ ተዘጋጅቶ መጠናቀቁን ነው ዋና ዳይሬክተሩ የተናገሩት።
በአሁኑ ወቅትም የዳታ ማዕከሉ መሰረተ ልማት እና የህንፃው ዲዛይን አማካሪ በመቅጠር ለመስራት እንዲቻልም ከንግድ ባንክ ጋር ስምምነት ተፈርሟል።
ይህም የመንግስት የፋይናስ ተቋማት ልማቱን በብቃት በመሸከም አለም አቀፋዊ ተወዳዳሪነታቸውን ለማሳደግ ያግዛል ነው የተባለው።
