Get real time updates directly on you device, subscribe now.
ሰሞኑን በቡራዩ ከተማና አካባቢው የተፈጠረውን ችግር ተከትሎ ተቃውሟቸውን ለማሰማት በአርባምንጭ ከተማ ሰልፍ የወጡ ወጣቶች በቁጣ ሊፈፅሙት የነበረውን የሀይል ድርጊት በአካባቢው ባህል መሰረት ለተከላከሉ የአገር ሽማግሌዎች ጠ/ሚ ዶር አብይ አህመድ አድናቆታቸውን ገለጹ።
ዶክተር አብይ በጅማ ሲካሄድ በሰነበተውና ትናንት (መስከረም 11) በተጠናቀቀው የኦዴፓ 9ኛ ጉባኤ ማጠቃለያ ላይ ባደረጉት ንግግር፤ ‹‹ዘጠነኛው የድርጅታችን ጉባኤ በደቡብ ክልል የጋሞ ሽማግሌዎች በቅርቡ ያደረጉትን ገድል በታላቅ አድናቆት ይመለከተዋል” ብለዋል።
የጋሞ ሽማግሌዎች ተግባር ኢትዮጵያ ሽማግሌዎች እንዳሏት፤ ወጣቶች ዛሬም ባህላቸውን እንዳልረሱና ሽማግሌዎችን እንደሚሰሙ ሰውን ከመግደል ማቀፍ የሚሻል መሆኑን ባለመግደል ማሸነፍ መቻሉን ያሳያል ያሉት ጠቅላይ ሚኒስትሩ፤ “የእነሱን አርአያ የሚከተሉ ሌሎች ሽማግሌዎች እንዲፈጠሩ፤ የወጣቶቹን መልስ ተከትሎ ታላቅን የሚያከብር የሚያደንቅ ወጣት እንዲበዛ ጉባኤያችን ለጋሞ ህዝብና ሽማግሌዎች ያለውን አድናቆት ሊገልፅ ይፈልጋል›› ሲሉ ተናግረዋል።
የጋሞ የአገር ሽማግሌዎችን ተግባር የሚያሳየው ቪዲዮ ከዚህ ዜና ጋር አብሮ ቀርቧል።
