ፍርድ ቤቱ የኢትዮጵያ ሶማሌ ክልል የቀድሞው ርዕሰ መስተዳድር አቶ አብዲ መሐመድ ዑመር ጨምሮ በአራት ተጠርጣዎች ላይ ተጨማሪ የምርመራ ጊዜ ለፖሊስ ፈቀደ፡፡
የፌደራል መርማሪ ፖሊስ ርዕሰ መስተዳድሩን ጨምሮ በአራት ተጠርጣሪዎች ላይ የ18 ሟቾችን እና የ438 አካል ጉዳት የደረሰባቸውን ግለሰቦች የህክምና ማስረጃ መሰብሰቡንና ዘጠኝ የጦር መሳሪያዎችን በቁጥጥር ስር ማዋሉን ለችሎቱ አብራርቷል፡፡
የፌደራል ከፍተኛ ፍርድ ቤት ተረኛ ወንጀል ችሎት የመርማሪ ፖሊስ የተሰጠው ጊዜ የሰራቸው ስራዎች እና ቀሩኝ ያላቸው ምርመራዎች እንዲሁም የተጠርጣሪዎችን አስተያየት አዳምጧል፡፡
በመጨረሻም ፍርድ ቤቱ ለመርማሪ ፖሊስ ተጨማሪ የ10 ቀን የምርመራ ጊዜ ፈቅዷል፡፡
FBC