Get real time updates directly on you device, subscribe now.
ጠ/ሚር ዐቢይ አሕመድ ከደሴ ከተማ ነዋሪዎች ጋር ውይይት አካሄዱ
*
(ኢ.ፕ.ድ)
ጠ/ሚር ዐቢይ አሕመድ ከምክትል ጠ/ሚር ደመቀ መኮንንና ከአማራ ክልልላዊ መንግሥት ርዕስ መስተዳድር አምባቸው መኮንን ጋር በመሆን ከደሴ ከተማ ነዋሪዎች ጋር ዛሬ ሰኔ 8 ቀን 2011 ውይይት አካሄዱ::
በንግግራቸው ወቅት ጠ/ሚር ዐቢይ አሕመድ የክልሉ ነዋሪዎች በልዩነቶች መካከል በሰላም፣ በፍቅርና በይቅርታ ተቻችሎ የመኖር ባሕል አድንቀዋል::
የውይይቱ ተሳታፊዎች በርካታ ከሕግ የበላይነት፣ ከመሠረተ ልማት፣ ከሥራ ፈጠራ:፣ ከክልላዊ የበጀት ድልድልና ከማኅበራዊ አካታችነት ላይ ያተኮሩ ጥያቄዎችን አንሥተዋል::
ለትነሡት ጥያቄዎች መልስ የሰጡት ጠ/ሚር ዐቢይ አሕመድ ስኬቶችን መገንዘብ እንደሚያስፈልግ አንሥተው ወደ ሕግ ፊት የቀረቡ 4 ሺህ ያህል የሚሆኑ ግለሰቦች መኖራቸውን ገልጠዋል፡፡
በሀገር አቀፍ ደረጃ የተፈናቀሉ ዜጎችን ወደ ቀያቸው የመመለስ ሥራን አስታውሰዋል:: ጠ/ሚሩ ከዚህም በተጨማሪ መንግሥት ለመሠረተ ልማት የሰጠውን ትኩረት በተለይም መንገድንና በደሴ ከተማ የሚሠራውን የሪፈራል ሆስፒታል ግንባታ ጠቅሰዋል::
በውይይቱ ማጠናቀቂያ ጠ/ሚር ዐቢይ አሕመድ በመደመር ፍልስፍና ላይ የተመሠረተ ለኢትዮጵያ ዕድገትና ብልጽግና ያላቸውን ቁርጠኝነት ገልጸዋል:: በወቅቱም ሁሉም ከፋፋይ ሐሳቦችን በማስወገድ በአንድነትና በተባበረ ክንድ ድህነትን ለማሸነፍ እንዲሠሩ ጥሪ አቅርበዋል::
ለአረንጓዴና ጽዱ ኢትዮጵያ ያላቸውን ቁርጠኝነትን በተመለከተ ከምክትል ጠ/ሚርና ከክልሉ ርዕሰ መስተዳድር ጋር በመሆን በ1890ዎቹ መጨረሻ በንጉሥ ሚካኤል በተገነባው አይጠየፍ አዳራሽ ግቢ ውስጥ የዛፍ ችግኞችን ተክለዋል::
ምንጭ:- የጠ/ሚር ፅ/ቤት
