Yaa’ii seena qabeessa taateewwan seena qabeessaan dabaalame

Dudhaan demokraasummaa sirna Gadaa yaa’ii knarratti ifeera. Giddu-galeessummaan qabsoo Oromoo kanaan booda fedhii fi faayidaa ummatichaa mirkaneessuu qofa waan ta’eef, humna haaraa, ilaalcha tarkaanfataa qabu, yaadee, yaada isaa tarkaanfachiisee moo’uu danda’u, dhaadatee osoo hin taane raawwatee lammii isaa boonsuuf gahumsa qabu filachuurratti xiyyeeffateera. Maal naan jedhuudhaan osoo hin daangeeffamiin bakka filannoon namootaa boqonnaa qabsoo irra gahameen wal-hin ginnetti mormiin demokraasummaa keessoo paarichaa mirkaneessu mul’ateera.
– Gadaan duudhaa karaa demokraatawaa ta’een bakka wal-bu’uu nu barsiise. Kaleessa filmaanni qabsoo Oromoo hidhannoo wayita turetti kumaatamoota wareegaman keessaa lubbuun hafanii qabsoo paartii kanaa asiin gahuu keessatti gumaacha seenaan hin dadaganne warri taasisan, ijoollee isaanitiin boqadhaa isin gaha jedhamanii kabajaan gaggeeffamuun kan gaggeeffamaniif ulfina guddaa, kan gaggeessaniif guddummaadha. Yaa’iin keenya taatee kanas keessummeesseera.
-Waan waliin dhaban malee waan irratti waldhaban kan hin qabne Ijoolleen Oromoo wal-gaarreeffannaa fi gamaa fi gamana dhaabatanii wal-abaaruu keessaa bahuun wal-faallaa dhaabbachuu mannaa wal-cinaa dhaabachuutu nu fayyada jechuun yaa’ii kanarratti yaada wal-deeggarsaa waliif dhaamaniiru. Taateen kunis seena qabeessummaa yaa’ii keenyaa mirkaneessa.