Ministiroonni bishaanii Ityoophiyaa, Sudaanii fi Gibts guuta bishaan Hidha Haaromsaarratti mari’achaa jiru

Sep 25, 2018

Ministiroonni bishaan Itiyoophiyaa, Sudaani fi Gibts gabaasa gareen ogeessoota haala guutaa bisaan Hidha Haaroomsa Guddicha Itiyoophiyaa dhiyeesse irratti Finfinneetti mari’achaa jiru.   

Maricharratti ministirri Ministeera Bishaan, Jallisii fi Elektirikaa FDRI Dooktar Injiinar Silashii Baqqalaa, ministirri Qabeenya Bishaanii, Elektirikaa fi Jallisii Sudaan Injiinar Kadir Gaasmadiinii fi ministirri Ministeera Bishaanii fi Jallisii Gibts Dooktar Mahaammad Abdullatiin hirmaachaa jiru.

 Gareen ogeessoota biyyoota sadanirraa walitti babba’e ji’oota sadii dura  hundaa’ee hojii jalqbun isaa niyaadatama. Gareen ogeessootaa hamma ammaattis si’a 4 walga’ee akkaataa guutinsaa fi gadhiisa bishaaniirratti mari’atee gabaasa qopheessera.